काठमाडौं । झापा क्षेत्र नम्बर ५ बाट राष्ट्रिय स्वतन्त्र पार्टी (रास्वपा) का वरिष्ठ नेता बालेन शाह निर्वाचित भएका छन्।
अन्तिम मतपरिणाम अनुसार शाहले ६८,३४८ मत प्राप्त गर्दै प्रतिनिधिसभा सदस्यमा विजयी भएका हुन्। उनले नेकपा एमालेका अध्यक्ष तथा पूर्वप्रधानमन्त्री केपी शर्मा ओलीलाई पराजित गरे।
ओलीले यस निर्वाचनमा १८,७२४ मत मात्र प्राप्त गरे। यसरी उनीहरूबीच ४९,६१४ मतको फराकिलो अन्तर रह्यो।
झापा–५ यसवर्षको निर्वाचनमा सबैभन्दा बढी चर्चित क्षेत्र मानिन्थ्यो। काठमाडौं महानगरका पूर्वमेयर बालेन शाहले उम्मेदवारी दिएका कारण यो क्षेत्रमा ओलीसँग हुने प्रतिस्पर्धाले विशेष ध्यान आकर्षित गरेको थियो।
