जुम्ला । राष्ट्रिय स्वतन्त्र पार्टी (रास्वपा) ले देशभर मतदाताको समर्थन पाउँदै अग्रता कायम राखेको छ, तर जुम्लामा भने पूर्वसांसद विनिता कठायतको स्थिति लज्जास्पद देखिएको छ।
जुम्ला १ निर्वाचन क्षेत्रमा मतगणना अनुसार राप्रपाका पूर्वसांसद ज्ञान बहादुर शाही ६ हजार ३७१ मत प्राप्त गरी जीतको नजिक रहेका छन्। नेकपा उम्मेदवार नरेश भण्डारी २ हजार ७०७ मतसहित दोस्रो स्थानमा रहेका छन्। शाही भण्डारीभन्दा ३ हजार ६६४ मतले अगाडि छन्।
तेस्रो स्थानमा कांग्रेसका दीप बहादुर शाही रहेका छन्, जसले १ हजार ७४० मत प्राप्त गरेका छन्। चौथो स्थानमा एमालेका शान्ति लाल महत ८२१ मतसहित रहेका छन् भने पाँचौँ स्थानमा नेपाल मजदुर किसान पार्टीका बिर्ष बहादुर राउत १४९ मतसहित छन्।
रास्वपाकी पूर्वसांसद विनिता कठायत भने केवल ८४ मत पाउँदै छैटौँ स्थानमा सीमित रहिन्। उनले पाएको मतसँगै प्रगतिशील लोकतान्त्रिक पार्टीका मनऋषि धिताल केवल ७२ मतको फरकले कठायतलाई पछ्याएका छन्।
यो परिणामले देखाउँछ कि देशभर रास्वपा मजबूत प्रभाव कायम राख्दा पनि जुम्ला जस्ता केही क्षेत्रहरूमा पुराना नेताहरूको जनमत कमजोर भएको छ।
निर्वाचन विश्लेषकहरूका अनुसार कठायतको यो स्थितिले स्थानीय मतदातामा पुराना नेताप्रति असन्तुष्टि र नयाँ विकल्पको आकर्षण प्रकट गरेको छ।
