माेरङ । मोरङका झण्डै ४४ हजार जनाले नयाँ मतदाता नामावलीका लागि आवेदन दर्ता गराएका छन्। २१ फागुनमा हुन लागेको प्रतिनिधिसभा निर्वाचनमा मतदानका लागि मोरङका ४३ हजार ८३५ जनाले मतदाता नामावलीका लागि नाम दर्ता गराएका हुन् ।
कोशी प्रदेश निर्वाचन कार्यालयका प्रमुख निर्वाचन अधिकारी चौलाराम दंगालका अनुसार असोज १० देखि मंसिर ५ सम्मको अवधिमा मोरङमा सो संख्यामा आवेदन परेको हो। प्रदेशका अन्य जिल्लाका १६ हजार ४०८ जनाले पनि प्रदेश निर्वाचन कार्यालयबाट नयाँ मतादाता नमावलीका लागि आवेदन दिएका छन् ।
विराटनगरस्थित प्रदेश निर्वाचन कार्यालयका अनुसार राष्ट्रिय परिचयपत्रको आधारमा २७ हजार ४२७ जनाले मतदाता नामावलीका लागि अनलाइनबाट आवेदन दिएका छन्। नयाँ मतदाता नामावलीमा नाम दर्ता गराउनेहरुमा ९० प्रतिशत जेनजी छन्।
पुरानो मतदाता नामावलीअनुसार मोरङमा सात लाख ४० हजार ९९२ मतदाता छन्। जसमा तीन लाख ६३ हजार ७४२ जना महिला, तीन लाख ७७ हजार २४४ जना पुरुष र ६ जना अन्य लिंगका मतदाता छन्।
