पोखरा । प्रधानमन्त्री पुष्पकमल दाहाल प्रचण्डले पोखरा अन्तर्राष्ट्रिय विमानस्थलको ऋणलाई अनुदानमा बदल्न प्रयास भइरहेको बताएका छन् । नेपाल पत्रकार महासंघले आयोजना गरेको पत्रकारिता सम्मान अर्पण गर्ने कार्यक्रममा उनले यस्तो बताएका हुन् ।
उनले विमानस्थल निर्माणमा गरिएको सबै ऋणलाई अनुदानमा बदल्ने बताए । उनले भने–‘२५ प्रतिशत मात्र होइन सम्पूर्ण ऋणलाई अनुदानमा परिमार्जन गर्न मेरो ध्यान छ । त्यो सम्भावना देखेको छु।’
उनले पोखराबाट नियमित उडानका लागि पनि विशेष पहल गरिरहेको बताउँदै चीन भ्रमणमा समझदारी बनेको र पोखराबाट छिटै नियमित उडान हुने बताए ।
