रामपुर क्याम्पसका प्राचार्य एवम् कार्यक्रमका सभाध्यक्ष मिलन सुवेदीले कृषि बिमाको तालिम नयाँ कुराको सुरुवात रहेको बताए । उनले भने, ‘यो हामीले नयाँ सुरुवात गरेका छौँ । विद्यार्थी उज्यालो दिने दिप हुन्, उनीहरुले बिमाबारे ज्ञानले किसानमाझ उज्यालो छर्ने छन् । एक जना कृषि विद्यार्थीले १० किसानलाई बिमाबारे ज्ञान दिनेछन् ।’

तालिमको प्रमाणपत्र विद्यार्थीहरुले १० किसानलाई कृषि बिमाबारे बुझाएपछि मात्र पाउने सुवेदीले जानकारी दिए ।

रामपुर क्याम्पसकी विद्यार्थी सुधा भण्डारीले आफु कृषि बिमा तालिमले सन्तुष्ट भएको बताइन् । उनले भनिन्,’मलाई कृषि बिमाबारे थाहानै थिएन तालिमले बिमाबारे जान्ने बुझने मौका पाए, खुशी छु ।’

नेपाल केरा उत्पादक संघका अध्यक्ष बिष्णुहरि पन्तले बिमा बिना खेती गर्न नसकिने भैसकेको बताए । उनले भने, ‘बिमा बिना कुनै देशमा कृषि सफल भएको छैन, नेपालमा पनि सम्भव छैन ।’

त्यस्तै, तरकारी तथा फलफूल व्यवसायी संघमा पूर्वअध्यक्ष पूर्णदत्त भूसालले बाँदरको समस्या देखि अनेक समस्या नेपाली कृषि क्ष्ोत्रमा रहेको र यसलाई दिर्घकालिन रुपमा अन्त्य गर्न कृषिमा आधुनिकरण हुनुपर्ने बताए ।

तालिममा रामपुर क्यापसका कृषि विद्याथीहरु सहभागी थिए । तीन दिन चलेको तालिम खैरहनीको होटल डिज्नी पार्कमा भएको थियो ।

शिखर इन्सुरेन्सका नायव क्षेत्रिय प्रबन्धक अरुणदेव आर्चायले बिमाले बिमाले पैसा तिर्दैन भन्ने गलत सोच हटाउन जरुरी भएको बताए ।