काठमाडौं । जननेता मदन भण्डारीको ७५औँ जन्मजयन्तीका अवसरमा आयोजना हुने कार्यक्रममा केपी शर्मा ओली, पुष्पकमल दाहाल र माधव कुमार नेपाल एउटै मञ्चमा सहभागी हुने भएका छन्।
आयोजकका अनुसार कार्यक्रमको प्रमुख अतिथि पूर्वराष्ट्रपति विद्या देवी भण्डारी रहनेछ। कार्यक्रम असार १४ गते दिउँसो १:३० बजे राष्ट्रिय सभागृहमा आयोजना हुनेछ।
कार्यक्रममा झलनाथ खनाल र उपेन्द्र यादवले पनि सम्बोधन गर्ने कार्यक्रम तय भएको छ।
प्रतिनिधिसभा निर्वाचनपछि कम्युनिष्ट शक्तिबीच सहकार्य र एकताको चर्चा चलिरहेका बेला शीर्ष नेताहरू एउटै मञ्चमा देखिन लागेका हुन्।
