काठमाडौँ । राष्ट्रिय स्वतन्त्र पार्टी (रास्वपा) का वरिष्ठ नेता बालेन्द्र शाह (बालेन)ले झापा जिल्ला क्षेत्र नम्बर ५ बाट प्रतिनिधि सभा सदस्यमा निर्वाचित भएपछि निर्वाचन खर्च विवरण निर्वाचन कार्यालयमा बुझाएका छन्।

बालेनले कुल १४ लाख १७ हजार २८९ रुपैयाँ खर्च भएको विवरण पेश गरेका छन्। विवरण अनुसार १५ दिनमा दुई वटा सवारी साधन भाडामा २ लाख ९३ हजार ८ सय रुपैयाँ खर्च भएको उल्लेख छ, जसमा इन्धनसमेत समावेश गरिएको छ।

अन्य खर्च विवरण यसप्रकार रहेका छन्:

पाँच पटकको हवाई भाडा: ३५ हजार रुपैयाँ

मतदाता प्रशिक्षण कार्यक्रमको खाजा: २८ हजार ९७० रुपैयाँ

वडास्तरीय प्रचार कार्यक्रम: ५ लाख ८० हजार रुपैयाँ

नमूना मतपत्र छपाइ: ४९ हजार ८५० रुपैयाँ

निर्वाचन कार्यालयमा दुई महिनाको पानी खर्च: १ लाख २० हजार रुपैयाँ

स्टेसनरी खर्च: २२ हजार ८२० रुपैयाँ

झण्डा र ब्याचसहितको प्रचार सामग्री छपाइ: १ लाख ५७ हजार ४१ रुपैयाँ

ब्यानर तथा स्टिकर: १ लाख १९ हजार ८०८ रुपैयाँ

मनोनयन दर्ता खर्च: १० हजार रुपैयाँ

बालेनले दिएको विवरण प्रतिनिधि नवीन भण्डारीको हस्ताक्षरमा निर्वाचन कार्यालयमा पेश गरिएको हो।