काठमाडौँ। प्रतिनिधिसभा सदस्य निर्वाचन २०८२ अन्तर्गत समानुपातिकतर्फको मतगणना जारी रहेको छ। निर्वाचन आयोगका अनुसार हालसम्म ८२ लाख ९९ हजार ६५० मत गणना भइसकेको छ।
पछिल्लो मत परिणामअनुसार राष्ट्रिय स्वतन्त्र पार्टी ४० लाख ६ हजार ६९४ मतसहित अग्रस्थानमा रहेको छ। यो कूल सदर मतको ४८.२८ प्रतिशत हो।
त्यसैगरी नेपाली कांग्रेस १३ लाख ४८ हजार ७९९ मतसहित दोस्रो स्थानमा रहेको छ। कांग्रेसले कूल सदर मतको १६.२५ प्रतिशत प्राप्त गरेको छ।
तेस्रो स्थानमा रहेको नेपाल कम्युनिस्ट पार्टी (एकीकृत मार्क्सवादी–लेनिनवादी) ले ११ लाख ४२ हजार ३८१ मत पाएको छ, जुन कूल मतको १३.७६ प्रतिशत हो।
त्यस्तै नेपाल कम्युनिस्ट पार्टी ले ५ लाख ८७ हजार २३० मतसहित ७.०८ प्रतिशत मत प्राप्त गरेको छ।
यसैगरी श्रम संस्कृति पार्टी ले २ लाख ८९ हजार ९६१ मत प्राप्त गर्दै ३.४९ प्रतिशत मत हासिल गरेको छ भने राष्ट्रिय प्रजातन्त्र पार्टी ले २ लाख ७४ हजार ९९१ मत प्राप्त गर्दै ३.३१ प्रतिशत मत पाएको छ।
समानुपातिकतर्फको मतगणना अझै जारी रहेको निर्वाचन आयोगले जनाएको छ।
