काठमाडौं । कालीमाटी फलफूल तथा तरकारी बजार विकास समितिले तरकारी तथा फलफूलको मूल्य सार्वजनिक गरेको छ । समितिले सार्वजानिक गरेको तरकारीको मूल्यमा ठूलो गोलभेँडा र आलु भन्दा अन्य तरकारीको मूल्य न्युन रहेको छ ।
समितिले सार्वजनिक गरेको मूल्यसूची अनुसार ठूलो गोडभँेडाको मूल्य हिजोकै कायमा रहेको छ । नेपाली ठूलो गोलभेँडाको न्युनतम मूल्य प्रतिकेजी आज ६० रुपैयाँ रहेको छ । लोकल सानो गोलभेँडाको मूल्यभने ३० रुपैयाँ कायम छ । रातो आलुको न्यूनतम मूल्य ५५ रुपैयाँ रहेको छ । स्थानीय काउलीको मूल्य २० रुपैयाँ न्युनतम मूल्यमा बिक्रि भईरहेको छ ।
यस्तै गाजरको मूल्य प्रति केजी ५० रुपैयाँमा विक्रि भएको छ भने घिउसिमी लोकल २०, मकै बोडी २०, मटरकोशा १८० रुपैयाँ तोकिएको छ । तितो करेला ८०, परवल ३५, घिरौला ४०, फर्सी पाकेको ३० कन्ने च्याउ ५०, डल्ले च्याउ २८०, काँक्रो लोकल २५, रुपैयाँ प्रतिकेजीमा खरीद बिक्री भैरहेको छ । रायोको साग प्रतिकेजी ३० रुपैयाँ, तोरीको साग प्रतिकेजी ३० रुपैयाँ रहेको छ ।
फलफूमा केरा दर्जनको १६० रुपैयाँ तोकिएको छ । फूजी स्याउ प्रतिकेजी ३२० नै कायम छ । कागती १२० रुपैयाँमा विक्रि भईरहेको छ । मौसम ८०, किवि १५० रुपैयाँ न्युनतम मूल्य प्रतिकेजी तोकिएको छ ।
समितिले सार्वजानीक गरेको मूल्य न्युन रहे पनि बजारमा उपभोक्ताले हरेक तरकारीको मूल्य कालीमाटी तरकारी बजारको भन्दा दोब्बर तिर्न पर्ने बाध्यता रहेको छ । कालीमाटीमा ३० रुपैँया प्रतिकेजी पाइने रायोको साग बजारमा उपभोक्ताले ५० देखी ७० रुपैयाँ तिनुपर्ने हुन्छ भने ४० रुपैयाँ प्रतिकेजी पाइने घिरौला बजारमा ८० देखी ९० मा कनिमेल भइ रहेको छ ।
